World gross national income per capita: Lower income countries tend to have a higher vulnerability to climate change.

An bulnerabilidad sa pagbago nin klima (Ingles: climate change vulnerability) tinatawan nin kahulugan bilang an "propensisad o predisposisyon na madanyaran" kan pagbago nin klima. Pwede ining iaplikar sa mga tawo alagad pwede man sa mga natural na sistema (ekosistema). Interdepedyente an bulnerabilidad nin tawo asin ekosistema.[1]:SPM-12 Sakop kan bulnerabilidad sa pagbago nin klima "an manlain-lain na konsepto asin elemento, kaiba an sesitibidad o suseptibilidad sa danyos asin kakulangan nin kakayahan na mag-atubang asin mag-adapatar."[1]:SPM-5 An bulnerabilidad sarong sangkap nin peligro sa klima. Magkakalain an bulnerabilidad sa laog nin mga komunidad asin sa mga sosyedad, rehiyon asin nasyon, asin pwedeng magbago sa paglihis nin panahon.[1]:SPM-5 Tinatayang 3.3 abot 3.6 bilyon katawo an nakaistar sa mga lugar bulnerableng marhay sa pagbago nin klima kan 2021.[1]:SPM-12

An bulnerabilidad kan mga ekosistema asin mga tawo sa pagbago nin klima pigtutulod kan mga padron nin bakong sustenableng pag-uswag arog baga kan "bakong sustenableng paggamit kan dagat asin daga, dai pagkapantay-pantay, marginalisasyon, historikal asin nagpapadagos na mga porma nin dai pagkapantay-pantay arog kan kolonyalismo, asin pamamahala."[1]:SPM-12 Kun siring, an mas halangkaw an bulnerabilidad sa mga lokasyon na igwang "kapobrehan, angat sa pamamahala asin limitadong akses sa pundamental na mga serbisyo asin rekurso, bayolenteng komplikto asin halangkaw na mga lebel nin mga sensitibo sa klimang hanapbuhay (halimbawa, mas sadit na mga parauma, pastoralista, komunidad nin parasira)".[1]:SPM-12

An bulnerabilidad pwedeng bangaon sa duwang mayor nakategorya, ekonomikong bulnerabilidad, base sa mga sosyo-ekonomikong dahilan, asin heograpikong bulnerabilidad. Mayong sa duwa an eksklusibo sa lambang saro.

Igwa nin magkapirang organisasyon asin kasangkapan na ginagamit kan internasyunal na komunidad asin mga syentista tanganing turutimbangon an bulnerabilidad sa klima.

Susugan

  1. ↑ 1.0 1.1 1.2 1.3 1.4 1.5 Pörtner, Hans-O.; Roberts, Debra; Adams, Helen; Adler, Caroline; et al. "Summary for Policymakers" (PDF). Climate Change 2022: Impacts, Adaptation and Vulnerability. Contribution of Working Group II to the Sixth Assessment Report of the Intergovernmental Panel on Climate Change. Intergovernmental Panel on Climate Change.
source: https://bcl.wikipedia.org/wiki/Bulnerabilidad_sa_pagbago_nin_klima