Этнагенез (ад стар. гр. ἔθνος — «племя, народ» і γένεσις — «узнікненне, паходжанне») — працэс выдзялення і фарміравання этнічных груп. Традыцыйная ацэнка этнічных груп вызначаецца рэтраспектыўна з выкарыстаннем даных розных дысцыплін (гісторыі, археалогіі, этнаграфіі, антрапалогіі, мовазнаўства і інш.) ад зыходнага пункта пераемнасці этнакультурнага развіцця канкрэтнага народа[1].

Тэрмін «этнагенез» (англ.: ethnogenesis) упершыню ўзгадваецца ў сярэдзіне XIX стагоддзя[1], пазней быў уведзены ў акадэмічную антрапалогію XX стагоддзя. У гэтым кантэксце ён адносіцца да назіранага феномену з’яўлення новых сацыяльных груп, якія маюць цэласную ідэнтычнасць, г.зн., «этнічная група» ў антрапалагічным плане. Адпаведныя грамадскія навукі не толькі назіраюць за гэтай з’явай, але і шукаюць тлумачэнні яе прычын.

Зноскі

  1. ↑ а б Timrod, Henry. ‘Ethnogenesis. Written at the Time of the Meeting of the Southern Congress, at Montgomery, February, 1861’. Charleston Daily Courier, 31 January 1862.
source: https://be.wikipedia.org/wiki/%D0%AD%D1%82%D0%BD%D0%B0%D0%B3%D0%B5%D0%BD%D0%B5%D0%B7